HARDWARE 04 - POWER SUPPLY

හාඩ්වෙයා ගැන කතා කරද්දි පරිගණතයේ තිබෙන තවත් වැදගත් කොටසක් වන power supply ගැන අපි අද බලමු.

 පවර් සප්ලයි එක මගින් පරිගණකයේ විවිධ උපාංග සඳහා අවශ්‍යවන විවිධ වෝල්ටීයතාවයෙන් යුතු විදුලිබල සැපයුම ලබාදීම සිදුකරන අතර පවර් සප්ලයි එකක ඇති විවධ වර්ණයෙන් යුත් වයර් හා විවිධ කනෙක්ටර්  දැකිය හැකිය.

පහත වගුවෙන් මේ වර්ණ වයර් වලින් කියවෙන දේ ඒ වගේම මෙහි පවතින සියළුම connector keyed connector විදිහටයි හදුන්වන්නේ ඒනිසා සවිකිරීමේදී වැරදීමේ හෝ මාරුවී සවිවීමේ අවධානමක් ඇති නොවේ.

Power Supply එකක ඇති Connector වර්ග හා ඒවා භාවිතා කරන උපාංග ගැන අපි ඊළග post එකෙන් කතා කරමු. ඔබේ අදහස් කියලම යන්න :)

Read More

COMPUTER HARDWARE 03 - Computer Case

මෙවර ලිපියෙන් අපි Computer Case එක ගැන කතා කරමු.

ප්‍රධාන වර්ග දෙකකින් desktop and tower වශයෙන් පරිගණක ආවරණ දෙකක් දැකිය හැකිය. තිරස් අතට තැබිය යුතු පරිගණක desktop model ලෙස හදුනවන අතර සුලබව දැකිය හැකි සිරස්ව තබන පරිගණක tower model එකට අයිති වේ. මෙම කොටස් දෙකේම ආවරණ (case) තවත් කොටස් දෙකකට බෙදෙනවා ඒ mini and full වශයෙනි

පරිගණක ආවරණයක් මිළදී ගැනීමේදී සැලකිය යුතු කරුණු.

The size of the motherboard (ප්‍රධාන පරිපථ පුවරුවේ ප්‍රමාණය)

   case එක අනිවාර්යෙන්ම සවිකිරීමට බලාපෙරොත්තු වන motherboard එකේ ප්‍රමණය හා සමාන විය යුතුයි.

The number of external or internal drive bays (ඇතුලත හා පිටත පවතින රැදවුම් රාක්ක)

  Case එක තුල පවතින bays එහෙම නැතිනම උපාංග සවිකිරීම සඳහා ඇති රාක්ක ප්‍රමාණය අපගේ අවශ්‍යතාවයට ප්‍රමාණවත්ද? ඉදිරියේදි නව උපාංග සවිකිරීමට අවශ්‍යවුවහොත් ඒ සඳහා අමතර bays පවතිනවාද යන්න සැලකිය යුතු කරුණක්

Available space (රැදවීම සඳහා අවශ්‍යවන ඉඩ ප්‍රමාණය)

    Case එකේ ප්‍රමාණය මධ්‍යස්ත ප්‍රමාණයකින් යුතුවිම සුදුසුය.  වඩා විශාල case එකක් සඳහා විශාල ඉඩ ප්‍රමාණයක් අවශ්‍යවනවා වගේම හදිසියකදී අළුත්වැඩායාවන් වැනි කටයුත්තකට පරිගණකය රැගෙන යාමට සිදුවන අවස්ථාවකදී එයින් අපහසුතා ඇති වේ, එමෙන්ම කුඩාම ප්‍රමාණයේ ආවරණයක් ලබාගතහොත් පසු කාලිනව පරිගණකයට අමතර උපාංග එකතු කිරීමේදි ඉඩකඩ ප්‍රමාණවත් නොවීමෙන් ඔබ අපහසුතාවයකට පත්විය හැකිය. ඒ වගේම ඉතා කිට්ටුවෙන් උපාංග සවිකිරීමට සිදුවීම නිසා අනවශ්‍ය ලෙස යන්ත්‍රය අධිකව රත්වීම සිදුවී උපකරණවලට හානි සිදුවිය හැකියි.

       මෙයට අමතරව භාහිර අලාංකාරය, case එකෙහි ශක්තිමත්භාවය , front panel එකෙහි පවතින usb හා වෙනත් port ප්‍රමණයන් වැනි දේ පිළිබඳවත් සැලකිලිමත් විය යුතුයි.case එකේහි පවතින වා කවුළු (air vent) ප්‍රමාණය පිළිබදව සැලකැලිමත් වීමත් අත්‍යවශ්‍ය කරුණක් පරිගණකය ක්‍රියාත්මක වීමේදී ඇතුලත රැස්වන අධික තාපය කූලින් පෑන් හරහා ඉවත් කිරීමට case එකෙහි පවතින වා කවුළු ඉතා වැදගත් වේ.

Read More

HARDWARE PART 02 - Motherboard 2

කලින් ලිපියෙන් අපි Motherboard එක ගැන ටිකක් කතා කරා. මේ ලිපියෙන් අපි බලමු Motherboard එකක් මිලදී ගැනීමේදී අවධානය යොමු කළයුතු කරුණු ගැන.

+ Size :

ඔබ තෝරාගන්නා case එක අනුව තමයි motherboard එකේ size එක ප්‍රශ්නයක්  වෙන්නේ. ඔබ එකලස් කරන්නට යන පරිගණකය සදහා ඔබ තෝරාගන්නා case එක  සාමාන්‍ය විශාල ප්‍රමාණයේ motherboards වලට support කරනවා නම් මෙය ප්‍රශ්නයක් නෙවෙයි.

+ Expansion Slots :

Graphics rendering  අවශ්‍ය නොවන සාමාන්‍ය පරිගණකයකට (low end PC) motherboard එකක් ගන්නා විට integrated graphics සහිත motherboard එකක් තෝරාගැනීම සුදුසුය. එසේ නැතිනම් gaming rig එකක් හෝ workstation එකක් නම් multiple GPUs (එකකට වඩා PCI Express slot සහ SLI හෝ CrossfireX ready) support කරන motherboard එකක් තෝරාගැනීම සුදුසුය.

+ Connectivity :

සමහර devices පරිගණකයට සම්බන්ද වෙන්නේ SATA interface එක මගිනි. (උදාහරණ: HDD, SSD, Optical Drive) ඒ වගේම දැන් මේ devices වල standard එක SATA III. ඒ වගේම USB 3.0 හා FireWire, E-SATA හෝ HDMI(integrated graphics සදහා) වැනි connectors පිළිබඳවත් අවදානය යොමු කල යුතුයි.

+ Hardware Compatibility :

 මෙහිදී කියවෙන්නේ CPU, video card හා RAM වැනි motherboard එකට සවි කරන hardware devices ගැනයි. CPU එකේ socket එකට සහය දක්වන motherboard එක තෝරාගත යුතුයි. 

multiple GPUs භාවිතා නොවන්නේ නම්  PCI Express 16x slots එකකට වඩා motherboard එකේ අවශ්‍ය නොවේ. Video card වල අලුත්ම තාක්ෂනය තමයි PCI Express 3.0 , නමුත් මේ තාක්ෂනය සහය දක්වන්නේනේ Intel Processors සදහා පමණයි.

Ram Slot අවශ්‍ය ප්‍රමාණය, අවශ්‍ය වන්නේ DDR 1 ද DDR11 ද ආදී වශයෙන් සලකා බැලිය යුතුය

+ Other Features

නවීන high end motherboards වල විවිධ වූ අමතර features දැකිය හැක. උදාහරණයක් වශයෙන් ඇතැම් motherboards වල Bluetooth හා Wi-Fi තිබෙනවා. තවදුරටත් chipset හා chips සදහා විශාල heatsinks, Integrated high fidelity audio හා gigabit LAN වැනි බොහොමයක් features දැකිය හැකිය.

Motherboard එකක් මිලදී ගැනීමේදී මේ සියළු කරුණු පිළිබඳව සැලකිලිමත් වීමෙන් සුදුසුම උපාංගය තෝරා ගත හැකිය.

තවත් තාක්ෂණික ලිපියකින් හමු වෙමු. ඔබේ අදහස් අපට ශක්තියක්...

Read More

HARDWARE PART 01 - Motherboard 1

මගේ blog අඩවියේ මුලින්ම ඔබේ දැනුමට හාඩ්වෙයා ගැන ටිකක් කතා කරන්න කියලා හිතුවා.. අද ටිකක් කතා කරත් ඉස්සරහට විවේක ලැබෙන විදියට හාඩ්වෙයා ගැන ගොඩක් දේවල් කතා කරන්න මම බලාපොරොත්තු වෙනවා.. ඉතින් ඉදිරියට යන්න ඔබේ අදහස් අනිවාර්යයෙන්ම අපට වැදගත්. මේ ලිපිය කියවලා ඔබේ අදහසත් පොඩි සටහනක් තියලා යන්න..

          Computer Motherboard - පරිගණක මව්පුවරුව

Motherboard එකක අඩංගු කොටස්

 ++ PCI Express 16x slots

මවු පුවරුවට graphics card සවිකිරීමට බහුලව යොදා ගන්නා slot එක  PCI Express ය.. PCI Express 16x slots වල lane 16 ක් ඔස්සේ දත්ත හුවමාරුව සිදු වේ.

PCI express 1.0 slots සදහා දත්ත හුවමාරු වේගය (data transfer rate) — 250MB/s
PCI express 2.0 slots සදහා දත්ත හුවමාරු වේගය 500 MB/s
PCI express 3.0 slots සදහා දත්ත හුවමාරු වේගය 1GB/s


++  PCI Express 1x Slot

  මේවායේ දත්ත හුවමාරුව සදහා ඇත්තේ තනි lane එකක් පමණි. Graphics card හැරුණු විට වෙනත් expansion cards සවි කිරීමට මෙම slot එක යොදා ගැනේ.
උදා:- tv card , network card , sound card
Graphics card සදහා නම් මෙම slot එක හරහා සිදුවන දත්ත හුවමාරුව ප්‍රමාණවත් නොවේ. විශාලත්වයෙන් මෙම slot එක PCI Express 16x slot එකට වඩා අඩුය.

 ++ Motherboard Battery

පරිගනකය ක්‍රියාත්මක නොවන අවස්ථාවල දිනය,වේලාව වැනි යම් යම් තොරතුරු අඛන්ඩව පවත්වා ගැනීම සදහා බලය ලබා දෙන්නේ මවු පුවරු බැටරියයි. එබැවින් පරිගනකය ක්‍රියාත්මක කරන එක් එක් අවස්ථාවල දිනය නැවත නැවත සකස් කිරීම අවශ්‍ය වන්නේ නොවේ. බැටරිය ඉවත් කිරීමෙන් මීට පෙර සකසා ඇති BIOS settings සම්පූර්ණයෙන් වෙනස්  වන අතර නිවැරදි ලෙස බැටරිය සවි නොකිරීමෙන් පරිගනකයට විශාල හානියක් විය හැක. සාමාන්‍යයෙන් මෙම බැටරිය ලෙස ආයු කාලය වැඩි ලිතියම් බැටරියක් යොදා ගැනේ.

++ IDE connector & Serial ATA Connector

මීට පෙර පැමිණි පරිගනකවල hard disks, CD Drives හා DVD Drives මවු පුවරුව සමග සම්බන්ධ කලේ IDE Connector එකක් ආධාරයෙන් වන අතර නවීන SATA Connector ඊට වඩා වේගවත් ය. මෙයට සම්බන්ධ වන cable එක පවා වඩාත් සිහින් වන අතර එමගින් System unit එක තුල පහසුවෙන් වාතය හුවාමාරු වීමට ඉඩ සැලසිය හැක.

අදට මේ ඇති වගේ. ඊළඟ ලිපියෙන් cpu socket වර්ග ගැන කතා කරන්න බලාපොරොත්තු වෙනවා... ඔබේ අදහසත් කියලම යන්න... 

Read More

ආයුබෝවන්...

කියන්නට ලොකු දෙයක් නෑ... මෙලෙසින් අරඹමු තාක්ෂණයේ නව දැනුම සොයා යන්නට....

Read More